一代演艺泰斗吴孟达昨日不敌肝癌病逝，终年70岁。达哥从影48年，带给几代人好多欢乐，无綫今晚播出一小时节目怀缅，邀请与达哥相识多年好友麦镇江、伍润泉、甄懋强、罗贯兰、吴丽珠、邓英敏商天娥、戴志伟、关礼杰、王晶、苑琼丹、林子聪、王晶等做嘉宾，回顾以往与达哥合作的往事。

苑琼丹表示从达哥身上学识跟别人相处，要互相尊重，「以前喺电视台同达哥拍一场戏，话佢抛妻弃子，佢追住我走出去，导演突然话难得两位喜剧演员合作，不如搞啲嘢，建议我哋踎低讲对白，我就：『吓』，达哥叫我踎低一齐做，之后问导演：『冇路人经过，会唔会好奇怪呢？』咁导演又建议我哋『之』字形咁行住路讲，我就梗係人都癫，达哥又叫我唔好嘈，又试做一次，但佢问导演：『会唔会好耐冇交流？』导演又提出叫我闹一句：『你个负心汉』跟住达哥要畀个夸张表情，达哥今次就同旁边棵树讲：『你觉得有冇问题？』然后拧番转同导演讲：『佢话唔係几好』。达哥係一个面对100个唔合理都会做嘅人，最多同你商量，会用喜笑怒骂或四両拨千斤。佢至今喺演艺圈咁高地位，我谂番转头，点解我哋学唔到，真係好值得后辈去借镜。」

《少林足球》中饰演「三师兄」的田启文、与「六师兄」林子聪亦有分享与达哥相处的点滴，田启文更自责一直以为有更多时间可以探望达哥，怎料再见已在对方弥留一刻，田鸡哽咽说：「我噚日喺医院睇住佢走，我影响力比较大，到呢一刻仲未接受到佢离开。医生话佢瞓住，听到晒我哋讲嘢，但畀唔到反应，一直闭紧双眼，直到临走一刻瞪大眼畀反应，跟住就走。我原本安排早啲去睇佢，但又唔想咁多媒体阻到佢，又怕疫情会带病菌去医院...佢讲到嘢时唔喺佢身边倾多啲偈，到佢畀唔到反应（我）先出现。」肥仔聪表示原本有新戏想找达哥演出，但当时达哥表示档期已排到5月后：「当时佢覆短讯都喘晒气，我有叫佢睇住身体，但佢锺意拍嘢，仲话要未做过嘅角色先接。」

节目尾声，刚升任做无綫副主席的曾志伟亦有现身，讲到达哥曾沉沦赌海，见人就借钱，最终连监製都不敢起用他、朋友也不再支助他，最后达哥一度想过轻生，幸临危立马，重新做人。志伟讲到眼湿湿：「我人生不停去分享，好想同大家讲，係一个好正能量亲身经历嘅故仔...当时连佢最好朋友都唔再帮佢，佢觉得人生无希望，人生去到尽头，就喺城门水塘想槛隻脚落去，希望下世重新做人，会做个更好演员，要发挥畀人睇。嗰刻佢谂可能我下世做牛做马做狗，我而家仲係人，点解我唔可以而家开始嚟过？之后佢就返咗TVB，同所有编剧导演讲，我係一个唔一样嘅吴孟达，之后佢入厂係唔会带剧本，因为所有对白都由头记到尾。」

及后曾志伟接受传媒访问时，心情仍未能平伏，「一讲到达哥真係觉得『唉，又走咗个』，可以讲话演艺界不可多得、买少见少嘅。呢种演员真係好难好难，唔知点去複製。一路讲，达哥嘅画面就会一个一个浮现出嚟，你就更加怀念佢，达哥嗰种待人接物，令你好难唔怀念佢。无论幕前同你对戏，定幕后收咗工同你食饭分享佢人生，佢係好豁达、乐观嘅人，有佢嘅场面一定有笑声，就算佢点唔舒服佢都唔会话畀你听，佢会死顶。」

吴孟达昨日因肝癌病逝，一班昔日艺训班的同学和《EYT》拍档都有出席节目，一起怀缅达哥。

苑仔讚达哥做人态度极佳，即使面对100个不合理的地方，亦会用四両拨千斤去化解，好值得后辈学习。